Your cart is empty now.
لفظ میلاد ولادت سے ہے اور عید سے مراد خوشی ہے اور عیدمیلاد النبی سے مراد حضور اکرم علیہ سلام کی ولادت با سعادت کی خوشی منانا ہے۔ کچھ لوگ اسے بدعت قرار دیتے ہیں اس بنا پر کہ عیدمیلاد النبی صحابہ کرام رضی اللہ عنہم کے دور میں نہیں منایا گیا ۔ اس طرح بہت سی ایسی چیزیں ہیں جو کہ حضور ا کرم اور صحابہ کرام رضی اللہ عنہم کے دور میں موجود نہیں تھیں بعد میں اجماع سے عمل میں آئیں لیکن سلطان العاشقین حضرت سخی سلطان محمد نجیب الرحمن مدظلہ الاقدس نے اپنی اس تصنیف لطیف میں یہ ثابت کر دیا ہے کہ ولادت نبوی کی خوشی نہ صرف اللہ تعالی نے منائی بلکہ دور نبوت، صحابہ کرام رضی اللہ عنہم، تابعین اور تبع تابعین کے دور میں بھی عید میلاد النبی منائی گئی۔ میلاد مصطفی یعنی جشن عید میلادالنبی سے مراد فقط یہ ہے کہ حضوراکرم کا ذکر پاک کرنا اور شریعت مطہرہ کے روشن پہلوؤں کو بیان کرنا ، آپ علیہ سلام کے کمالات اور درجات کا بیان ، آپ کی صورت میں اللہ تعالیٰ کی عظیم نعمت کا تذکرہ کرنا، حقیقت محمدیہ کا تذکرہ کرنا ، لوگوں کو شریعت مطہرہ سے آگاہ کرنا اور آپ کی شان میں نعت خوانی کرنا اور لوگوں کو کھانا کھلانا۔
سلطان العاشقین حضرت سخی سلطان محمد نجیب الرحمن مدظلہ الاقدس نے عشق و محبت میں ڈوبی تحریر کو تحقیقاتی شکل دیتے ہوئے تمام مکاتب فکر سے تعلق رکھنے والے تقریبا چالیس اولین و آخرین فقہاء، محدثین اور امامین کی عید میلاد النبی کے موضوع پر رائے درج کی ہے۔ اس کے علاوہ حالت قیام میں حضور پر نور پر درود و سلام پڑھنے کے متعلق اکا بر محد ثین، فقہا کی رائے بھی درج کی ہے۔ اس کے علاوہ تاریخی پس منظر میں اولین زمانے سے اب تک جغرافیائی لحاظ سے منائی جانے والی عید میلادالنبی کا بھی تفصیلی جائزہ لیا گیا ہے۔ عاشقان مصطفی علمائے کرام اور طالبان حق کے لئے ایک نادر اور نایاب تحفہ۔
Related Products
Books with the same interest
